Oakdale Landbouskool se toutrekspanne presteer

In Maart het 11 toutrekspanne onder leiding van hul afrigters, Piet Lourens en Riaan Stander, van Hoër Landbouskool Oakdale deelgeneem aan die SA Skole Toutrekkampioenskappe op Kimberley en uitstekend presteer. Die 360 kg- en 600 kg-spanne behaal elk 'n tweede plek en die 480kg-span 'n derde plek. Oakdale se 560kg-span gelei deur hul kaptein, Terblanche le Grange van Prince Albert, het die span van Drostdy gewen en is as SA kampioene gekroon. Met hierdie prestasie dring Oakdale deur na die wêreldkampioenskappe in Swede later vanjaar.