Letters - Briewe

Prince Albert se Kuns-Aksie

Wat het die dorpie gekry? ‘n Sweer in sy binneste. Kyk na die mooi swart skoentjies, die rok frille – dis nou vir jou kuns uit die hoë rakke. Die hoë rakke meen hier hoe duur is dit om sulke mislike dinge te doen aan boomstompe wat eintlik deur Omgewingsake beskerm moet word. Dit het ABSA ( volgens die kunstenaar self ) R70 000 gekos. Hoeveel het waar heen gegaan? Kan ABSA asseblief vir ons die koste kaarte laat sien, dis mos Jan publiek se geld?

Ons kan maar net vir ABSA sê sies en weer sies dat hulle Prince Albert opsaal met so ‘n karikatuur gedoente. Die dorpie is op hierdie stadium die lag en spot van die omliggende dorpies.

Die grootste sotheid in die hele kunswerk is die laat ontdekking van die uilnes. Dink die persone wat so erg oor die kunswerke is, dat enige iemand die uilstorie glo? Dit skyn of daar meer mense met uilneste in hul koppe is. Soos een gevra het “did he die on the job before it was done?”

Pat Marincowitz